Psalms 112
Bolamu ya bato na sembo
1 Bosanzola Yawe !
Mapamboli na moto oyo abangaka Yawe,
azuaka esengo mingi na malako na ye.
2 Bana na ye bakozala bato ya nguya mingi na mabele ;
bato ya alima na tango na tango bato ya mapamboli.
3 Bomengo mpe bozwi ya ndenge na ndenge ezali na ndako na ye ;
mpe bosembo na ye ekowumela libela na libela.
4 Ata kati na molili, moi ebimaka mpo na moto ya alima.
Mpo na moto atondi na ngolu, mpo na moto atondi na mawa
mpe mpo na moto na sembo.
5 Esengo na moto oyo asalelaka bato makambo ya malamu,
bolamu ekoyela moto ya boboto mpe adefisaka na motema moko
oyo atambusaka misala na ye na bosembo nyonso !
6 Ya solo, ye akoki koningana ata moke te ;
moto na sembo bakobanda kokanisaka ye tango nyonso.
7 Akobanga basango ya mabe te ;
motema na ye etelema ngwi,
na kotiaka elikya na ye na Yawe.
8 Motema na ye ezali na kimia akobanga te ;
na suka akotala na elonga bayini na ye.
9 Akabolaka bisika nyonso makabo mpo na babola ;
bosembo na ye ewumelaka libela na libela ;
liseke na ye ekotombwana na likolo mpo na lokumu
10 Moto na mabe akomona mpe akosilika
akolia mino mpe akolimwa ;
baposa ya moto na mabe ekokoma eloko ya pamba.
Copyright information for
LinMNB